COMING SOON!!!!

Нийгмийн тухай мэдлэг эзэмшний ач холбогдол оо гэж..

Эрдэм мэдлэгийн далай ахин нэг удаа аялалд гарахад бид бэлэн болжээ, гэхдээ энэ удаа “Sociology” нэртэй хөлөг онгоцоор. Бидний зорилго юу вэ? Бид юуны тулд аялалд гарах гэж байна?
Эртний Грекийн суут сэтгэгч Платон нэгэн удаа шавийнхаа мэдлэг гэж юу вэ гэсэн асуултанд газарт тойрог зурж хариулсан тухай домгийг бид мэддэг. Үнэхээр ч мэдлэг гэж тэр агуу зүйлийг л хүн хэмээх эрхэм нэрийг зүүсэн бид судлан судалсаар, танин мэдсээр энэ заяасан насаа бардаг нь нууц биш...
Гэвч тэр бүх мэдлэгийн дундаас биднийг хүний дайтай явж, ялангуяа орчин үеийн хүмүүнлэг энэрэнгүй энэ дэлхийд бусадтай хөл нийлүүлэн алхахад хамгийн чухал нөлөөг үзүүлэх мэдлэг нь маргаангүй Нийгэм, түүний тухай мэдлэг гэдэгтэй би санал нийлдэг.
Арга ч үгүй юм, балар эртний Хүннүгийн нийгэм байсан бол, аль эсвэл боолын системт дундад зуунд байгаа биш, нийгэм хэмээх аварга том гэр бүлийн гишүүнээр хүссэн хүсээгүй элссэн бид энэхүү мэдлэгийг эзэмшснээр олон давуу талыг өөрт бий болгоно. Зүгээр л бодоцгооё, найзуудтайгаа буу халаад сууж байхдаа яриаг нь ойлгохгүй гөлийгөөд суухгүйн тулд, 100 долларыг 100 юаниас ялгахын тулд, Адам Смит гэж сагсан бөмбөгчийн нэртэй залуу юу хийсэн юм бэ гэдгийг мэдэхийн тулд судлах хэрэгтэй болно. Би өнөөдөр энэ хөлөг онгоцонд эдгээрийг , бас нийгмийн тухай та нар 10 хуруутай гэдгээ мэддэг шигээ андахгүй мэддэг болтлоо эзэмшихээр сууж байна.
Энэ аялал урт, төдий чинээгээрээ сонирхолтой ч, аюултай болно гэдгийг мэдэж байна. Энэ аялалд би Хөлөг онгоцоо замд нь гаргахын тулд тодорхойлолтуудаа бичиж, ойлгон, замд тааралдаж болзошгүй УЛС ТӨРИЙН маргаантай зүйлсийг урьдчилан судалж, ЭДИЙН ЗАСГИЙН ухааны аварга савны тагийг онгойлгож, буудаллаад гарах улс үндэстнүүдийн СОЁЛЫН тухай мэдлэгийг тархиндаа хийж, харин нэгэн жилийн дараа бид амьдралын тухай, нийгмийн талаар ЦЭЦЭН МЭРГЭНД ДУРЛАСАН амжилттай эргэж ирэх болно.
Танд амжилт хүсье...